Maid mii sáhttit fállat?

Olbmuide geat leat vásihan doaruheami lagaš gaskavuođain sidjiide sáhttit mii fállat:

  • Ságastallama, ráđiid ja oaivademiid telefovdna bokte
  • Boahtit Noraguovddážii ságastallamii
  • Gaskaboddasaš ja dorvvolaš ássansaji
  • Ráđiid ja oaivademiid mat gusket du dillái
  • Veahkehit du beassat oktavuhtii eará veahkkeapparáhtaiguin
  • Praktihkaš doarjja ja veahki vai beasat ođđasit ásaiduvvat

Mis lea birrajándor rábas, juohke beaivvi jagis.

Ságastallamiid sisdoallu sáhttá leat rávven/oaivadeapmi, diehtojuohkin, dilálašvuođa kárten, veahkkin gávdnat čovdosiid ja gieđahallat daid. Go lea vásihan kontrolla, fuonuheami, doaruheami ja loavkideami, de sáhttá dat leat hui duššástuhtti. Sii geat ellet dakkár gaskavuođain, leat dávjá balus das ahte sin eai jáhke dahje sii masset mánáid fuolaheami. Go iežat guoibmi doaruha du dasa čatnašuvvá stuorra čiegusvuohta. Go lea lagašolmmoš dakkár olbmuide geat leat doaruhuvvon dahje leat vásihan seksuála illasteami, de sáhttá leat gáibideaddji ja váttis. Noraguovddážis fitnet don veahki lagašolbmorollii diehtojuohkima ja ságastallama bokte.

Máhcahusat mat dán rádjai leat boahtán lea ahte ássiid mielas lea hui dehálaš go besset ássat dorvvus dorvvolašbáikkis. Dan lassin leat sii aiddostahttán man dehálaš lea ahte sidjiide jáhkket.

Mii geat bargat heahteguovddážis mis leat vásáhusat bargat olbmuiguin geat leat kriissas.


Noraguovddáš fállá:

Birrajándor rabas telefovdna - 78 99 60 60

Telefovdna lea rabas birrajándora dutnje gii dárbbašat olbmo geainna beasat hállat dahje hupmat, sihke jus don leat ieš gillájeaddji, dahje leat lagašolmmoš. Mis fitnet dieđuid das makkár vuoigatvuođat dus leat, ráđi ja oaivadeami, ja sáhtát geavahit min ássanfálaldaga dahje finadat beaivet dáppe.


Ássanfálaldat

Olbmot geat leat vásihan doaruheami lagaš gaskavuođain ja sin mánát sáhttet boahtit heahteguovddážii ássat akuhttaáigodagas. Mii leat ordnen ásodagaid olbmuide geain leat doaibmavádjitvuođat.


Beaivefitnan

Mii fállat ságastallamiid, informašuvnna, ráđi ja oaivadeami ja veahkehat váldit oktavuođa eará veahkkeapparáhtaiguin ja eará aktevrraiguin.


Čuovvuleapmi ođđaásahanáigodagas

Maŋŋá go ássit leat fárren eret guovddážis ožžot sii čuovvulanfálaldaga masa gullet ságastallamat ja praktihkalaš veahkki.


Olggos guvlui doaibma

Guovddáš bargá ovttas oamasteaddjigieldda fágaetáhtaiguin ja ulbmilin lea eastadit ja geahpedit doaruheami ja veahkaválddi servodagas. Mii lágidat logaldallamiid, oahpahusa veahkaválddi ja seksuála illasteami fáttás.